¡Maxia na aula! A maleta do Mago Limón chega cargada de misterios de Samaín

¡Que gran sorpresa tivemos na nosa aula de 3 anos! Entre  misterio e moita emoción, chegou un obxecto moi especial que estabamos a agardar con moitas ganas: ¡A maleta do Mago Limón xa está no cole!

Os ollos dos nosos pequenos e pequenas brillaron de emoción ao abrir esta maleta tan máxica. ¿E que había no seu interior? ¡Estaba completamente chea de libros e contos de Samaín! Historias de pantasmas divertidas, cabazas sorrintes e bruxiñas boas que nos van acompañar durante estes días.