🕷️ ¡UN SAMAGOSTÍN DE MEDO E MOITA DIVERSIÓN! 🌰

¡O pasado venres 30 de outubro vivimos unha xornada inesquecible no noso colexio! Anticipámonos ao terror e celebramos o Samagostín 2026 fusionando o mellor do Samaín e do Magosto nunha festa chea de música, ritmo, disfraces e moito sabor.

O momento máis divertido do día chegou cando subimos ao escenario disfrazados de auténticas arañas. Coas nosas patiñas negras e moitísima enerxía, botamos un baile fantasmagórico ao ritmo da coñecida canción "Tumba por aquí, tumba por acolá". ¡Deixamos a todo o público coa boca aberta coa nosa terrorífica coreografía!

Despois de tanto cantar e bailar, chegou a quenda de recuperar forzas co mellor do outono. Non puido faltar a tradicional castañada, pero este ano o banquete foi aínda máis espectacular: ¡os pais e nais prepararon e trouxeron uns sobremesas típicos de Samaín terrorificamente deliciosos! Os nenos e nenas desfrutaron en grande compartindo as castañas quentiñas e probando eses doces tan creativos.

Queremos agradecer de corazón a toda a comunidade educativa e, en especial, ás familias pola vosa gran implicación tanto coa elaboración dos disfraces coma con esa morea de sobremesas tan ricos. ¡Grazas por facer que este Samagostín fose tan doce, divertido e especial! ¡Xa estamos contando os días para o vindeiro ano!

Pincha en la foto para ver más

 Descubrimos o Monstruo Azul

A maxia dos libros segue a inundar a nosa aula de 3 anos. Despois de desfrutar moito coa lectura do conto "Monstruo Azul", tocounos poñer as mans na masa para darlle vida ao noso propio personaxe e vivir unha experiencia chea de emocións.

Cuns pinceis, as nosas mans e moita creatividade, mergullámonos nun mar de cor para pintar o noso Monstruo con témpera azul. Para os nenos e nenas de 3 anos, experimentar coa pintura fresca é un pracer sensorial único: mesturar a cor, sentir o tacto e ver como vai collendo forma o personaxe do conto espertou un montón de sorrisos.

Pero o momento máis máxico da xornada chegou despois. Igual que fai o noso querido Monstruo na súa historia, aprendemos a importancia de coidar dos demais e fusionámonos nuns abrazos xigantes, tenros e cheos de agarimo como os del.

 ¡Maxia na aula! A maleta do Mago Limón chega cargada de misterios de Samaín

¡Que gran sorpresa tivemos na nosa aula de 3 anos! Entre  misterio e moita emoción, chegou un obxecto moi especial que estabamos a agardar con moitas ganas: ¡A maleta do Mago Limón xa está no cole!

Os ollos dos nosos pequenos e pequenas brillaron de emoción ao abrir esta maleta tan máxica. ¿E que había no seu interior? ¡Estaba completamente chea de libros e contos de Samaín! Historias de pantasmas divertidas, cabazas sorrintes e bruxiñas boas que nos van acompañar durante estes días.

PROPOSTAS DE SAMAÍN

 

COIDAMOS E REGAMOS OS REPOLOS 

 Misterio e maxia no cole: ¡Xa é Samaín!

                                 

                                      PINCHA NA FOTO PARA VER MAIS

 🧑‍🌾 ¡Mans á terra na clase de 3 anos! 🌷

Esta semana convertémonos en auténticos xardineiros. Coas nosas mans e moita ilusión, saímos á horta do cole para plantar tres cousas moi especiais:

• Repolos: Para aprender como medran as verduras que comemos.
• Tulipáns e narcisos: Uns bulbos que agora van durmir e na primavera espertarán cheos de cores.

Con esta actividade aprendemos a coidar a natureza, a traballar en equipo compartindo as regadeiras e a ter paciencia mentres agardamos a que medren.

¡Mirade nas fotos que ben o pasamos e que concentrados estabamos! 📸👇